ഇന്നലെ മുഴുവൻ മഴയായിരുന്നു കൂട്ടുകാരാ
നീ നിന്നെക്കാളധികം ഇഷ്ടപ്പെടുന്ന മഴ
ഹോസ്റ്റൽമുറിയുടെ ജനൽ‌പ്പാളികളിൽ പിടിച്ചു
ഞാനേറെ അതാസ്വദിച്ചു
പുറംചുമരിലെ ലൈറ്റിലെ അരണ്ട വെളിച്ചത്തിൽ
ഞാൻ കണ്ടു
ഇലച്ചാർത്തുകളോടു കളി പറയുന്ന മഴത്തുള്ളികൾ
നീ എന്നെ പാടിയുറ്ക്കാൻ
പറ്ഞ്ഞയച്ച മാലാഖമാർ വന്നിരുന്നു
പക്ഷേ അവർ വെറുതെ കലപില കൂട്ടുകയായിരുന്നു
എന്നെ ഉറക്കാതെ
അകത്തേക്കു കടന്നുവന്ന നനുത്ത കാറ്റിൽ
മരണത്തിന്റെ ഗന്ധം പടർന്നിരുന്നു.
അതിനെ പുണർന്ന് മയങ്ങിയ എന്നെ
തലോടി നിന്റെ മാലാഖമാർ
മടങ്ങിപ്പോയി….
അപ്പോഴും താഴെ തണവാർന്ന തറയിൽ
രക്തത്തുള്ളികൾ ചിത്രങ്ങളെഴുതുകയായിരുന്നു…